Қаражанбаста 59 миллионыншы тонна мұнай өндірілді

Биыл, 19 ақпанда, қаражанбастықтар 58 миллионыншы тонна мұнай өндірген еді. Содан бері кезекті миллион тонна мұнайға 171 күнде қол жеткізіп отырмыз. Жұмысшылар күнделікті, үздіксіз, қажырлы еңбек ете отырып, жаңа белесті жақындатты. «Қаражанбасмұнай» АҚ басшылығы, геологтар, операторлар, бұрғышылар, құрылысшылар, көлік қызметкерлері үшін 59 миллионыншы тонна мұнай – компания дамуындағы маңызды кезең.

«Бүгін таңғы сағат 8-де біздің геологтар мұнай өндірудің кезекті көрсеткішін тіркеді. Бұл кәсібиліктің, мол тәжірибенің, ұйымшылдықтың және бүкіл ұжымның мызғымас ерік-жігерінің арқасы. Соңғы 20 жыл ішінде жыл сайынғы мұнай өндіру 2 миллион тонна мұнай деңгейін сақтап, технологиялар арқасында ұңғымаларды бұрғылаудың тиімділігі үнемі өсіп келеді. Біздің тіпті күрделі жерлерде де мұнай өндіруге мүмкіндігіміз жетеді», – деп атап өтті ҚБМ Басқармасы.

Көмірсутектік қоспалар қорларын қайта есептеу қорытындысы бойынша Қаражанбас кен орнының геологиялық қорлары мол, сондықтан өндіру көлемін арттыру жалғасуда. Геологтардың болжамы бойынша, ОПЕК+ шектеулері мен пандемиядан кейін мұнай өндіру қарқынын қалпына келтіруді ескере отырып, 2023 жылғы қаңтардың соңында Қаражанбаста 60-миллион тонна мұнай өндіріледі.